نصرالدين السويلمي: شوف آ قيس....
كتب الصحفي التونسي نصرالدين السويلمي قال:
شوف آ قيس....
كانك على التجاوزات في الحملة الانتخابية، اسمك موجود عند دائرة المحاسبات!
كانك على التجاوزات في الحملة الانتخابية، اسمك موجود عند دائرة المحاسبات!
كانك على المحاكمات عندك نادية عكاشة مديرة الديوان الرئاسي عندها قضية منشورة عند الدائرة الجناحية بالمحكمة الابتدائية بتونس!
قد يعجبك ايظا:
لماذا لا تجعلنا التكنولوجيا الجديدة أكثر إنتاجية؟
تمت الإشادة بالابتكارات مثل الحوسبة السحابية والذكاء الاصطناعي باعتبارها محركات للانتعاش الإنتاجي القادم، لكن مردودها الواسع على الاقتصاد كان بعيد المنال. |
كانك على فساد القضاء الي تروج ليه أنت وانصارك، زوجتك قاضية شوف معاها قبل!
كانك على رؤساء الحكومات، متاع تضارب المصالح جبتو انت والي قمت باختطافو والاعتداء عليه وارغمتو على توقيع الاستقالة جبتو انت!
كانك على وزراء الفساد عينتهم انت ونادية!
كانك على المحسوبية، ماثمش حتى واحد وزّر أعضاء الحملات الانتخابية متاعو غيرك أنت!
كانك على انخرام الأمن في البرلمان ، يتحمل مسؤوليتو الامن الرئاسي لملكف بحماية البرلمان وانت منعتو من القيام بمهامو في اطار خطة الشحن تمهيدا للانقلاب!
كانك على تلاقيح يوم العيد وزير الصحة عسكري عينتو انت ويأتمر بأوامرك انت!
كانك على المحكمة الدستورية عطلتها انت!
قد يعجبك ايظا:
ما هو أفضل وقت لشراء الذهب وبيعه؟ إليك الإجابة من الخبراء
يعدّ الذهب هو الملاذ الآمن للمستثمرين، لأنه يحافظ على قيمة رأس المال من التضخم، كما يعتبر الاستثمار الأكثر أمناً على المدى الطويل لأنه لو انخفض ثمنه على المدى القريب لا بدَّ أنه سيرتفع بعدها بما يزيد عن الانخفاض؛ لذا يعد الحل الأمثل للاستثمار والادخار عموماً. |
كانك على تعذر السير العادي لشؤون الدولة، تسببت فيه انت برفض استقبال الوزراء لأداء القسم، والتدخل لدى الدول باش ما تتعاونش مع الحكومة!
كانك على هيبة الدولة طيحتها أنت، مرة تقول باش يقتلوني بخبزة مرة بجواب مرة مشو للخارج باش ينحوني ويقتلوني!
كان على الدستور شلكتو انت!
كانك على فرانسا بقت استعمار مع بورقيبة وبن علي والمبزع والمرزوقي والسبسي.. حتى جيت انت رديتها حماية!
كانك على الديمقراطية هاك تحارب فيها باللجان الشعبية!
كانك على الثورة هاك تحارب فيها بأكبر خصومها في العالم بن زايد وبن سلمان والسيسي!
كانك على المدنية هاك تعسكر فيها !
كانك على محاربة الفساد، سجنت العياري ولد الثورة، واقتحمت ديار قيادات الائتلاف ابناء الثورة!
كانك على الوعود خلينا من البحبوحة والمليارات الي باش ترجع والدينار الي باش يصورخ والناس الي باش تخدم والشباب الي باش يكون مستقبلو.. خلينا من هذاك الكل، هاك سبعطاشنيوم وانت تجري وتجري ومازال كيلو البطاطا ما طاحش لـ 500 فرنك!
كانك على الماء الي كان أصفر من سبالتك، هانو قاص عندو 3 ايام على برشا مناطق!
قد يعجبك ايظا:
معركة الملوك الثلاثة او معركة وادي المخازن
معركة وادي المخازن أو معركة الملوك الثلاثة هي معركة قامت بين بلاد المغرب الأقصى والبرتغال في 30 جمادى الآخرة 986 هـ، 4 أغسطس 1578م. |
كانك على الحرقان، بديتها نهار 25 بحرق مقرات النهضة.. وهانا من نهار انقلابك المشؤوم ونحنا وخويانا الدزيرية غاطسين في الحرائق!
شوف آ قيس! عندك سبعطاش يوم وانت تصارع باش طيح سعر كيلو البطاطا ما ڨديتش.. كيفاش مالا باش تڨد طيّح سبعطاش ديسمبر؟!