نصرالدين السويلمي: شوف آ قيس....

نصرالدين السويلمي: شوف آ قيس....

كتب الصحفي التونسي نصرالدين السويلمي قال:

شوف آ قيس....

كانك على التجاوزات في الحملة الانتخابية، اسمك موجود عند دائرة المحاسبات!

كانك على التجاوزات في الحملة الانتخابية، اسمك موجود عند دائرة المحاسبات!

كانك على المحاكمات عندك نادية عكاشة مديرة الديوان الرئاسي عندها قضية منشورة عند الدائرة الجناحية بالمحكمة الابتدائية بتونس!



كانك على فساد القضاء الي تروج ليه أنت وانصارك، زوجتك قاضية شوف معاها قبل!

كانك على رؤساء الحكومات، متاع تضارب المصالح جبتو انت والي قمت باختطافو والاعتداء عليه وارغمتو على توقيع الاستقالة جبتو انت!

كانك على وزراء الفساد عينتهم انت ونادية!

كانك على المحسوبية، ماثمش حتى واحد وزّر أعضاء الحملات الانتخابية متاعو غيرك أنت!

كانك على انخرام الأمن في البرلمان ، يتحمل مسؤوليتو الامن الرئاسي لملكف بحماية البرلمان وانت منعتو من القيام بمهامو في اطار خطة الشحن تمهيدا للانقلاب!

كانك على تلاقيح يوم العيد وزير الصحة عسكري عينتو انت ويأتمر بأوامرك انت!

كانك على المحكمة الدستورية عطلتها انت!



كانك على تعذر السير العادي لشؤون الدولة، تسببت فيه انت برفض استقبال الوزراء لأداء القسم، والتدخل لدى الدول باش ما تتعاونش مع الحكومة!

كانك على هيبة الدولة طيحتها أنت، مرة تقول باش يقتلوني بخبزة مرة بجواب مرة مشو للخارج باش ينحوني ويقتلوني!

كان على الدستور شلكتو انت!

كانك على فرانسا بقت استعمار مع بورقيبة وبن علي والمبزع والمرزوقي والسبسي.. حتى جيت انت رديتها حماية!

كانك على الديمقراطية هاك تحارب فيها باللجان الشعبية!

كانك على الثورة هاك تحارب فيها بأكبر خصومها في العالم بن زايد وبن سلمان والسيسي!

كانك على المدنية هاك تعسكر فيها !

كانك على محاربة الفساد، سجنت العياري ولد الثورة، واقتحمت ديار قيادات الائتلاف ابناء الثورة!

كانك على الوعود خلينا من البحبوحة والمليارات الي باش ترجع والدينار الي باش يصورخ والناس الي باش تخدم والشباب الي باش يكون مستقبلو.. خلينا من هذاك الكل، هاك سبعطاشنيوم وانت تجري وتجري ومازال كيلو البطاطا ما طاحش لـ 500 فرنك!

كانك على الماء الي كان أصفر من سبالتك، هانو قاص عندو 3 ايام على برشا مناطق!


أداة مشاركة الملفات.
استخدم هذا الرابط المجاني البسيط لمشاركة الملفات مع الجميع حول العالم. لا حاجة للتثبيت. لحمايتك من السلوك الضار للتطبيقات المثبتة. ما عليك سوى تحميل ملفاتك وإرسال الرابط إلى الأشخاص الذين تريد مشاركة ملفاتك معهم. يمكنك مشاركة هذه الصفحة لدعمنا في تقديم المزيد من الخدمات المجانية لك. شكرًا لك!
صورة زر مشاركة الفيسبوك   صورة زر مشاركة واتس اب.  

كانك على الحرقان، بديتها نهار 25 بحرق مقرات النهضة.. وهانا من نهار انقلابك المشؤوم ونحنا وخويانا الدزيرية غاطسين في الحرائق!

شوف آ قيس! عندك سبعطاش يوم وانت تصارع باش طيح سعر كيلو البطاطا ما ڨديتش.. كيفاش مالا باش تڨد طيّح سبعطاش ديسمبر؟!