نصرالدين السويلمي: شوف آ قيس....
كتب الصحفي التونسي نصرالدين السويلمي قال:
شوف آ قيس....
كانك على التجاوزات في الحملة الانتخابية، اسمك موجود عند دائرة المحاسبات!
كانك على التجاوزات في الحملة الانتخابية، اسمك موجود عند دائرة المحاسبات!
كانك على المحاكمات عندك نادية عكاشة مديرة الديوان الرئاسي عندها قضية منشورة عند الدائرة الجناحية بالمحكمة الابتدائية بتونس!
You might like this:
العادات والتقاليد في البرازيل
يعتبر الشعب البرازيلي من الشعوب المحبة لتكوين الأسر الكبيرة، حيث تعتبر أساس الاستقرار والمحبة بالنسبة لهم في الحياة، ومن عادات الشعب البرازيلي تقديم المساعدة والاحترام لبعضهم البعض، حتى أن نظام الواسطة لإيجاد عمل معين لأحدهم، ذلك بتفضيله عن غيره ليس بالأمر القبيح وفقاً لتقاليدهم وعاداتهم بل إنَّ نظام المحسوبية لديهم يعتبر أمر يحصل على موافقتهم. |
كانك على فساد القضاء الي تروج ليه أنت وانصارك، زوجتك قاضية شوف معاها قبل!
كانك على رؤساء الحكومات، متاع تضارب المصالح جبتو انت والي قمت باختطافو والاعتداء عليه وارغمتو على توقيع الاستقالة جبتو انت!
كانك على وزراء الفساد عينتهم انت ونادية!
كانك على المحسوبية، ماثمش حتى واحد وزّر أعضاء الحملات الانتخابية متاعو غيرك أنت!
كانك على انخرام الأمن في البرلمان ، يتحمل مسؤوليتو الامن الرئاسي لملكف بحماية البرلمان وانت منعتو من القيام بمهامو في اطار خطة الشحن تمهيدا للانقلاب!
كانك على تلاقيح يوم العيد وزير الصحة عسكري عينتو انت ويأتمر بأوامرك انت!
كانك على المحكمة الدستورية عطلتها انت!
You might like this:
أكبر سر في التاريخ إكتشفه أبو بكر بن وحشية
لم يكن العالم الفرنسي جون فرانسوا شامبليون «1790-1832»، أول من اكتشف أسرار اللغة الهيروغليفية، كما يُشاع، بل سبقه إلى ذلك العالم العربي المسلم «أبو بكر أحمد بن علي بن قيس» – ابن وحشية – أول من كشف أسرار «الكتابة المقدسة» الهيروغليفية. |
كانك على تعذر السير العادي لشؤون الدولة، تسببت فيه انت برفض استقبال الوزراء لأداء القسم، والتدخل لدى الدول باش ما تتعاونش مع الحكومة!
كانك على هيبة الدولة طيحتها أنت، مرة تقول باش يقتلوني بخبزة مرة بجواب مرة مشو للخارج باش ينحوني ويقتلوني!
كان على الدستور شلكتو انت!
كانك على فرانسا بقت استعمار مع بورقيبة وبن علي والمبزع والمرزوقي والسبسي.. حتى جيت انت رديتها حماية!
كانك على الديمقراطية هاك تحارب فيها باللجان الشعبية!
كانك على الثورة هاك تحارب فيها بأكبر خصومها في العالم بن زايد وبن سلمان والسيسي!
كانك على المدنية هاك تعسكر فيها !
كانك على محاربة الفساد، سجنت العياري ولد الثورة، واقتحمت ديار قيادات الائتلاف ابناء الثورة!
كانك على الوعود خلينا من البحبوحة والمليارات الي باش ترجع والدينار الي باش يصورخ والناس الي باش تخدم والشباب الي باش يكون مستقبلو.. خلينا من هذاك الكل، هاك سبعطاشنيوم وانت تجري وتجري ومازال كيلو البطاطا ما طاحش لـ 500 فرنك!
كانك على الماء الي كان أصفر من سبالتك، هانو قاص عندو 3 ايام على برشا مناطق!
You might like this:
الذكرى الـ 74 لاستشهاد القائد الفلسطيني عبد القادر الحسيني
الذكرى 74 لاستشهاد القائد الفلسطيني عبد القادر الحسيني الذي يعتبر أحد رموز الثورة الفلسطينية ضد الاستعمار البريطاني والعصابات الصهيونية، مما مهد الطريق لقيام دولة الاحتلال. |
كانك على الحرقان، بديتها نهار 25 بحرق مقرات النهضة.. وهانا من نهار انقلابك المشؤوم ونحنا وخويانا الدزيرية غاطسين في الحرائق!
شوف آ قيس! عندك سبعطاش يوم وانت تصارع باش طيح سعر كيلو البطاطا ما ڨديتش.. كيفاش مالا باش تڨد طيّح سبعطاش ديسمبر؟!